Kush është Danillo Vuçiq? Lidhjet me krimin të djalit 24 vjeçar të presidentit të Serbisë

Picture of Iliria News Agency
Iliria News Agency

10/01/2023

Danillo Vuçiq, i biri i presidentit serb Aleksandër Vuçiq, ka rënë përsëri në qendër të vëmendjes pas pjesëmarrjes së tij në Bosnje për nder të festimeve për Republika Srpskan. Por, kush është ky “fëmijë” 24 vjeçar që po tërheq gjithnjë e më shumë vëmendje?

Për shkak të raportimeve se Danillo Vuçiq ishte pjesë e delegacionit të nderit të Serbisë, presidenti kishte akuzuar mediat në Beograd, Zagreb e Sarajevë se po gënjenin.

Dhe, djali i presidentit – si shumë të rinj tjerë në të njëzetat – ka qejf të fotografohet. Dhe po ashtu ka qejf të shkojë në Ditën e Republika Srpskas. Por, të kombinosh këto të dyja nuk është gjë e mençur, shkruan gazeta serbe “Danas“.

Kësisoji më 2020, në Banja Llukë, “i riu model” siç e ka quajtur kryeministrja Ana Bërnabiq, ishte fotografuar në një tavolinë me njerëz të lidhur me krimin – huliganë dhe anëtarë të grupit “Janjičari”.

Kupa e Botës në futboll që u mbajt në Moskë në vitin 2018, tregoi që ky rast në Banja Llukë nuk ishte koinçidencë. Aty djali i presidentit bëri fotografi me disa fytyra edhe më të dyshimta, përfshirë Aca Roshavin dhe po ashtu Boris Karapanxhiqin, që më vonë u arrestua si një nga anëtarët e grupit Veljko Belivuk.

Një gazetare e KRIK-ut kishte provuar ta fotografonte me të lartpërmendurin Roshavi në një kafeteri në Beograf, por telefoni i të cilës u mor nga persona të panjohur e të cilët edhe e ngacmuan.

Po ashtu, edhe nëna e të vrarit Aleksandar Halabrin, vrasja e të cilit është lidhur me grupin Belyvuk, kishte pretenduar se biri i saj ishte shoqëruar me Danillo Vuçiqin për kohë të gjatë.

Por, sa herë që raportohen lajme të tilla për Danillon, regjimi i Vuçiqit mbron veten duke thënë se kjo është mantra e “luftës speciale hibride” dhe tezën se “sulmi ndaj fëmijës së tij është sulm ndaj vet presidentit”.

Dhe kur “La Repubblica” njoftoi se Danillo dyshohej të ishte menaxher i superyllit Dushan Vllahoviq, edhe ky u konsideruar sulm ndaj presidentit. Njësoj si kur shkruajnë që ishte ndaluar për të hyrë në Mal të Zi.

Danas shkruan se tashmë është “përcaktuar” nga pushteti në Serbi që 24 vjeçari Danillo Vuçiq është ende “fëmijë”.

Danillo është lindur më 1 dhjetor 1998.

Sipas babait të tij, ai punon në një punishte vere për 500 euro. Është fans i Cërvena Zvezdës dhe i Rada FC-së.

Nëna e tij është gazetarja Ksenija Vuçiq, gruaja e parë e Aleksandër Vuçiqit, që vdiq në janarin e vidit të kaluar.

Lideri radikal serb Vojisllav Sheshel, tha disa vite më parë se dy ditë pas kthimit të tij në Serbi, i kishte cingërruar telefoni pasi po e thirrte Danillo Vuçiqi, që ishte ende minoren në atë kohë. Shesheli më pas e kishte ftuar atë në shtëpi bashkë me motrën, Millicën. Siç kishte thënë ai, takimi ishte prekës dhe më pas ishin takuar ehde disa herë. /Nacionale

TË FUNDIT
5 orë
‘Dorëzohet’ Mickoski: Betimin do ta bëj me emrin kushtetues
7 orë
Taravari: Prioriteti im do të jetë shëndetësia publike
9 orë
Daçiq bën thirrje për anulimin e festivalit “Mirëdita, dobar dan” në Beograd
10 orë
SHBA përfshin në Listën e Zezë edhe rrjetin që rriti pasurinë e Dodikit
10 orë
Qeveria miraton masa kundër të nxehtit që pritet ta përfshijë vendin

ME TE LEXUARA

16 orë
Një ‘ushtri’ e tërë administratorësh do të kalojë nga një ministri në tjetrën në pesë muajt e ardhshëm
12 orë
Dorëzohet në Kuvend përbërja e re e Qeverisë, pritet caktimi i seancës
12 orë
Mbi 40 gradë Celsius – Nga e enjtja vendi në alarmin portokalli
12 orë
Maqedonia e Veriut në vendin e 11-të në NATO sipas përqindjes së BPV-së dedikuar për mbrojtjen
19 orë
Mickoski pritet të dorëzojë në Kuvend propozimin për përbërjen e qeverisë së re

LEXO MË SHUMË

Mickoski

‘Dorëzohet’ Mickoski: Betimin do ta bëj me emrin kushtetues

arben taravari

Taravari: Prioriteti im do të jetë shëndetësia publike

dacic

Daçiq bën thirrje për anulimin e festivalit “Mirëdita, dobar dan” në Beograd

Dodik

SHBA përfshin në Listën e Zezë edhe rrjetin që rriti pasurinë e Dodikit

moti Vapa nxehti temperaturat

Qeveria miraton masa kundër të nxehtit që pritet ta përfshijë vendin

ivan stoilkoviq

Stoilkoviçi, Fronti Europian thirrje VLEN-it të mos hyjë në Qeveri! Mickoski: Ministrat duhet të kenë qëndrime pro-maqedonase

sylvinjo silvinjo

Sylvinho para sfidës me Kroacinë: Do të jetë vendimtarja!

nato-mkd-zname

Maqedonia e Veriut në vendin e 11-të në NATO sipas përqindjes së BPV-së dedikuar për mbrojtjen

moti nxehti temperatura-termometri

Mbi 40 gradë Celsius – Nga e enjtja vendi në alarmin portokalli

INFO

NA NDIQ