Në rrjetet sociale është shpërndarë masivisht fotoja e një huligani të dhunshëm serb që po godiste me një shufër policie hekuri pjesëtarët e KFOR-it në Zveçan në pjesën veriore të Kosovës.
Sipas llogarisë “Patjetër” në Twitter, emri i tij është Dragan Smigiq. Siç mësohet, Smigiq është polic serb i cili ka ardhur nga Rudarja e Serbisë për t’u përballur me forcat e rendit dhe ligjit në veri të Kosovës.
Ai është i njohur për autoritetet kosovare dhe se i njëjti kërkohet si i dyshuar për krime lufte. Gazeta serbe “Novosti” në një listë që e ka publikuar, ku pretendon se autoritetet kosovare i kanë shënjestruar rreth 600 emra si të dyshuar për krime lufte, aty figuron edhe emri i Dragan Smigiq. (INA)
