shkruan: Naser Pajaziti
10 kompani në Maqedoninë e Veriut për 5 vite kanë marrë tenderë shtetëror në vlerë prej 1 miliardë euro, bën të ditur një hulumtim i Qendrës për Komunikim Qytetar.
Nëse i shohim se cilët kompani janë del se në 10-she, asnjëra nuk është kompani e ndonjë biznesmeni shqiptar. Por, ajo që bën përshtypje se kush kryeson në listë.
Kompania “Markovski Kompani” radhitet në vend të parë pasi që për 5 vite ka fituar 77 tenderë nga shteti me një vlerë prej 151 milionë euro. Vetëm vitin e kaluar tjo kompani ka realizuar 20 kontrata tenderësh me vlerë me vlerë 52 milionë euro. Në vitin 2022 ka fituar tenderë me vlerë afër 30 milionë euro. Nga vitet 2011/2012 ka nisur të jetë ndër përfitueset më të mëdha të tenderëve shtetëror.
Ajo është themeluar në vitin 2002 me kapital depozitues prej vetëm 2.500 euro nga Borçe Markovski nga Manastiri, i cili pas një periudhe qëndrimi në Serbi, ishte kthyer duke hapur këtë biznes.
“Markovski kompani” sot lidere e tenderëve merret me mihjen e tokës, ndërtime të rrugëve, infrastrukturore, ndërsa tenderët e fituar janë kryesisht nga kompania shtetërore për prodhimin e energjisë ESM Sh.A.
Pronari i saj, Borçe Markovski në vitin 2016 u bë konsull nderi i Bjellorusisë në Maqedoni, në një ceremoni ku ishin të pranishëm ambasadori rus dhe ai bjellorus në Shkup. Politikën sot e bën paraja, dhe jo folklorizmat!
*postim në facebook
