Dy ish-banorët e “Big Brother VIP 4”, Kelly dhe Xumi, ishin ditën e sotme të ftuar në emisionin “Shqipëria Live”, ku komentuar dinamikat e ndodhura së fundmi brenda shtëpisë më të famshme në Shqipëri.
Kelly dhe Xumi thanë edhe emrat e dy banorëve që ata mendojnë se nesër do t’i bashkohen Rozanës dhe Laertit për në finalen e madhe që do të mbahet më 19 prill.
Që të dy thanë emrin e Gjestit, por për banorin tjetër kishin mendime të ndryshme. Kelly tha Eglin, ndërsa Xumi përmendi Gertën.
Pjesë nga intervista:
Sidorela: Kush shkon në finale, dyshja tjetër?
Kelly: Mendoj midis Gjestit dhe Egli. Sigurisht që është edhe Gerta në mes që po lufton fort, po mendoj se këto të dy do të shpërndahet
Sidorela: Nesër gjysmëfinalja, Xumi për ty kush janë dy emrat e tjerë që bashkohen?
Xumi: Unë mendoj se do jenë Gjesti dhe Gerta, me aq sa kam parë nga dinamikat e kohëve të fundit. Gerta po tregon se është një lojtare shumë e fortë pasi hyri në shtëpi, e ka treguar që ka qëndruar e vetme, ka përballuar çdo lloj situate vetëm, çdo lloj debati vetëm. Gjithashtu nga ana tjetër është edhe Gjesti që po përkrahet goxha.
