Kuvendi i Maqedonisë së Veriut sot mban seancë, shkarkimi i deputetit Zendeli në rend dite

Iliria News Agency
Iliria News Agency

03/03/2022

Kuvendi sot do ta vazhdojë mbledhjen e 64-t në të cilët për të tretën ditë në rend dite është Propozim-vendimi për shkarkimin e deputetit Fadil Zendeli nga Lëvizja Besa nga anëtar i Komisionit kuvendor për çështje të zgjedhjeve dhe emërimeve.

Deputetët nga opozita dje në debat akuzuan për precedent, me të cilin qeveria e shkelë Rregulloren e Kuvendit dhe Kushtetutën e shtetit. Konsiderojnë se shkarkimi i deputetit është jolegjitim, ndërsa qëllimi është me shumicë të re në Komision, pushteti të vendosë gjykatës të vet në Gjykatën kushtetuese.

Për deputetët nga shumica në pushtet, ndërkaq, vendimi është në pajtim me dispozitat në Rregullore të cilat urdhërojnë pasqyrimin e vendeve të deputetëve nga partitë në përbërjet e trupave punues.

Në rend dite të mbledhjes së 64-t plenare janë edhe propozim-ligjet për plotësim të Ligjit për Prokurorinë publike dhe për plotësim të Ligjit për Këshillin e prokurorëve publik të Republikës së Maqedonisë së Veriut, Propozim-ligji për emërim dhe plotësim të Ligjit për bujqësi dhe zhvillim rural, Propozim-ligji për ndryshim të Ligjit për kryerje të punëve për përfaqësim në procedurat doganore, Propozim-ligji për përgjegjësi qytetare për ofendim dhe shpifje, Propozim-deklarata me rastin e 150-vjetorit të lindjes së Goce Dellçevit.

Në Kuvend për sot është caktuar edhe mbledhja e Komisionit për çështje ekonomike, në të cilën në rend dite janë Propozim-ligji për ndryshim dhe plotësim të Ligjit për shoqatat tregtare, Propozim-ligji për ndryshim dhe plotësim të ligjit për ndërmarrjet publike dhe Propozim-ligji për emërim dhe plotësim të Ligjit për inspektoratin shtetëror të tregut, të gjithë në lexim të parë, si dhe Propozim-ligji për ndryshim dhe plotësim të Ligjit për koncesione dhe partneritet publiko-privat, me procedurë të shkurtuar – lexim i dytë.

TË FUNDIT

ME TE LEXUARA

LEXO MË SHUMË

izet mexhiti

Mexhiti: Paska folë prap makineria propaganduese e Gebelsit të BDI-së!

vlen llogo

VLEN: Pacienti dhe Fronti i listës së zezë, shkaktarët e rënies së besimit në gjyqësor dhe prokurori

Kacarska-780x439-1-1

Kacarska: Gjykata Kushtetuese mund të vendosë për kushtetutshmërinë e Kodit Zgjedhor

bujar osmani

Osmani: Brenda 48 orëve mund të shpërthejë konflikt në Lindjen e Mesme

mpj22-696x385

MPJ apelon që të shmangen udhëtimet në Izrael dhe rajon

BDI selia

BDI: Korrupsioni ka emër, Izet Mexhiti dhe komuna e Çairit

bdi-ali-ahmeti-cair

BDI më e pasura, me më shumë para se partitë tjera

mexhiti izet

VLEN: Ndryshimet kushtetuese, kusht për koalicion me VMRO-DPMNE-në

KSHZ-Komisioni

Këto janë numrat e listave për deputetë që mund të votoni më 8 maj

INFO

NA NDIQ