Komisioni Shtetëror i Zgjedhjeve (KSHZ) do ta njoftojë Kuvendin për verifikimin e mandatit të deputetes Valbona Adili Emini, në vendin e deputetit Salim Sulejmani nga koalicioni VLEN.
Në seancën e sotme KSHZ-ja konstatoi se Adili Emini e pranon mandatin, për të cilin i lëshohet edhe certifikatë me shkrim, pas dorëheqjes së Sulejmanit.
Më herët sot Kuvendi para fillimi të seancës së 52-të konstatoi se ndërpritet mandati i deputetit i Salim Sulejmanitt, i cili më datë 18 të këtij muaji dha dorëheqje nga të gjitha pozicionet në ASH, si dhe nga pozicioni i tij si deputet në Kuvend, duke iu referuar përgjegjësisë morale, profesionale dhe politike, kurse me dorëheqjen e tij, VLEN-i fiton një deputet të ri.
“Nuk mund të jem pjesë e aleancës që bën kompromise me njerëz të përmendur në listat e zeza ndërkombëtare”, theksoi Sulejmani.
