Kyçyk: Kthimi i vetos do të ishte gabim shumë i madh

Iliria News Agency
Iliria News Agency

25/01/2023

Kthimi i vetos për Shkupin do të ishte gabim i madh dhe do të përkeqësonte marrëdhëniet dypalëshe, deklaroi eurodeputeti bullgar dhe raportuesi për Maqedoninë e Veriut në Parlamentin Evropian, Ilhan Kyçyk.

“Do të ishte një gabim i madh. Vetoja nuk ndikoi pozitivisht në marrëdhëniet e fqinjësisë së mirë në asnjë mënyrë. Krejt e kundërta. Filluan provokimet, pak a shumë, menjëherë pas vendosjes së vetos”, tha Kyçyk për BNR.

Sipas tij, ajo që ka ndodhur me Hristijan Pendikov është e dënueshme dhe këtë e kanë thënë edhe institucionet evropiane. Ai e vlerëson tensionin mes dy vendeve si të lartë, e cila përhapet në shumë drejtime dhe beson se në planin dypalësh do të ketë një vit shumë të stuhishëm joproduktiv.

Ai thekson edhe mekanizmin për monitorimin dhe “matjen” e gjuhës së urrejtjes, duke theksuar se ministri i Punëve të Jashtme të Maqedonisë së Veriut, Bujar Osmani, është duke formuar “një ekip të madh, ku do të përfshihen edhe përfaqësues të komunitetit bullgar”.

I pyetur se si do të reagojë Brukseli nëse Shkupi i pengon eurodeputetët bullgarë, politikanë dhe personalitete publikë të marrin pjesë në ngjarjet lidhur me Goce Dellçevin në fillim të shkurtit, Ilhan Kyçyk thotë se “nuk ka mundësi që institucionet evropiane të mbështesin një sjellje të tillë nga autoritetet maqedonase”, duke shtuar se “as Brukseli dhe as Strasburgu nuk mund ta pranojnë këtë si një qasje normale”.

“Nuk mund t’i shikojmë gjërat në mënyrë të izoluar. Duhet të kërkojmë mekanizma që do të jenë të qëndrueshëm. Duhet të ketë mekanizma monitorues në marrëdhëniet dypalëshe. Ka shumë shembuj të vendeve me marrëdhënie të vështira historike – Sllovenia dhe Kroacia, Sllovenia dhe Italia. Nga pikëpamja e kujtesës historike, kjo nuk është diçka e re”, theksoi Kyçyk.

Deklarata e Kyçykut vjen pas deklaratës së ministrit bullgar të Punëve të Jashtme, Nikollai Milkov, pas takimit të shefave të diplomacisë të vendeve-anëtare të BE-së të hënën, se nuk përjashtohet mundësia e një vetoje të re nga Bullgaria për vendin, duke shtuar se ai shpreson se kjo nuk do të ndodhë.

Lidhur me këtë çështje, u prononcua edhe eurodeputeti Angell Xhambaski, i cili pas propozimit të presidentit Stevo Pendarovski për ta shpallur persona nongrata një deputet të Parlamentit Evropian dhe disa persona të tjerë që po punojnë për prishjen e marrëdhënieve ndërmjet Maqedonisë së Veriut dhe Bullgarisë, në një postim në Fejsbuk kërkoi “kthim të vetos” për vendin.

TË FUNDIT

ME TE LEXUARA

LEXO MË SHUMË

kovacevski -agron

Kovaçevski: Në njësinë zgjedhore 6 të gjithë kanë kandidatë nga e kaluara, vetë LSDM ka kandidat për të ardhmen me Agron Demirin

stojance-angellov-701x430

“Ahmeti brohoriti UÇK në qendër të Shkupit”, Angellov: Përdorni frenat e dorës, pas Mickoskit janë “branitellat” që ju fituan në vitin 2001

Ali Ahmeti fronti

Fronti Evropian i përgjigjet Mickoskit

vucic

A do të shpallet Serbia shtet gjenocidal? “Misioni” i Vuçiç në OKB

fatos-rushiti

Një manipulim i ligë i radhës me kategoritë e luftës së UÇK-së

bota-rrezik globi toka

Shënohet Dita e planetit Tokë

ZEQIRIJA-IBRAHIMI-696x462-696x430-1

Ibrahimi: Pavarësisht se kush me kë e bën qeverinë, me rëndësi është ta pensionojmë BDI-në

veri

DW/ Kosova: Përgjegjës Beogradi për dështimin e votimeve në veri

mickoski ali ahmeti

Mickoski i’a kthen porosinë Ahmetit

INFO

NA NDIQ