Spektakli Post Big Brother VIP Albania ka sjellë përplasje të ashpra mes fituesit të edicionit, Gjesti, dhe aktorit Laert Vasili, pas deklaratave të këtij të fundit në një intervistë.
Gjesti iu drejtua Laertit duke i thënë: “Kot nuk e kam fituar, nuk kemi qenë në fakultet, kemi qenë në Big Brother. Kurrë gjë s’më ka ardhur falë. Kam hequr me shpirt aty brenda. Unë e kam merituar o vëlla”.
Por, Laerti reagoi me ironi: “E kupton fituesin absolut!? Mirëmbrëma. Gjithçka që bërë në shtëpi, thuaj një faleminderit”.
Ndërkohë Gjesti çohet t’i japë një pije, Laerti shtoi: “Boll bëre karagjozin. Që natën e parë që prishe gjumin banorëve”.
Në përgjigje, Gjesti tha: “Çka ankohesh o burrë?”, ndërsa Laerti iu kundërpërgjigj: “Isha në Prishtinë. Meqë nuk kupton s’ka rëndësi, rëndësi ka që fitove”.
Gjesti insistoi: “Thuaje që e meritova, leje tash o vëlla, mos u anko”.
Laerti shtoi: “Unë nuk po ankohem”.
Debati vijoi me tensione, ku Gjesti tha: “Tërë jemi ngushtë, nuk je veç ti. Çka të bëjmë?”, ndërsa Laerti ia ktheu: “Ti ta gëzosh fitoren, do Zoti mëson dhe shqip”.
Përplasja mori ton më personal kur Laerti i tha: “Po shqip, do Zoti mëson që kryeqyteti i Maqedonisë së Veriut është Shkupi, banorët të kanë falur, toleruar se të kanë parë si djalë të vogël.
Fitues më të pakënaqur se ty unë s’kam parë. Në koncertin e djeshëm pse nuk ishe i intonuar me playback”.
