Pas humbjes me Monaco, PSG ka zbritur menjëherë në stërvitje, pasi skuadra ka nisur përgatitjet për takimin e Champions League përballë Bayern Munich.
Lajmi më pozitiv në shtëpinë e kampionëve të Francës është rikthimi i Kylian Mbappe në stërvitje.
Sulmuesi fillimisht ka punuar i diferencuar nga pjesa e tjetër e grupit dhe pritshmëritë janë që Mbappe të jetë në fushën e lojës ndaj bavarezëve.
Kylian u dëmtua në takimin ndaj Montpellier, ndërsa rikthimi i tij jep shumë shpresë skuadrës së Galtier, pasi PSG ka pësuar dy humbje në dy ndeshjet e fundit, në Kupë përballë Marseille dhe kampionat ndaj Monaco.
