Presidenti i Barcelonës, Joan Laporta, ka lënë të kuptohet se pas afrimit të portierit Joan García, klubi katalanas është gati për një tjetër goditje të madhe në merkato. Gjatë mbledhjes vjetore të Senatit të klubit, ai konfirmoi se Barça tashmë ka rikuperuar balancën ekonomike dhe mund të operojë lirshëm në treg, pas daljes nga mbikëqyrja financiare e LaLigas.
“Transferuam Joan García-n dhe shumë shpejt do të vijë një tjetër përforcim emocionues,” deklaroi Laporta, duke ushqyer spekulimet për një lëvizje drejt sulmuesit të Athletic Bilbao-s, Nico Williams – një nga emrat më të përfolur të kësaj vere.
Kjo lëvizje sinjalizon rikthimin e Barcelonës në garë për emra të mëdhenj dhe përforcimin e pozicioneve kyçe në prag të sezonit të ri.
