Ikja e personelit shëndetësore nga RMV, ku sipas një mesatareje, rreth 100 mjek në vit largohen nga Maqedonia e Veriut.
Mjeku Argjend Imeri, në “Rruga Drejt”, në Alsat, tha se, ai kurrë nuk e ka menduar të ikë nga vendi, mirëpo kjo nuk është ardhmëria për fëmijët e tij.
Ai tha se nuk është vetëm aspekti financiar arsyeja që janë larguar dhe po largohen shumë mjekë, por ka edhe arsye të tjera.
“Unë kam vendosur të rrijë këtu, por për fat të keq, duke pasur parasysh rrethanat dhe vështirësitë me të cilat jemi përballuar gjatë kësaj periudhe, kjo nuk është ardhmëria të cilën unë e shoh për fëmijët e mi, të cilët kanë zgjedhur këtë profesion – pra të jenë mjek. Nuk është vetëm aspekti financiar, por janë edhe gjëra të tjera që e bëjnë këtë”, u shpreh Imeri. /Alsat/
