Largimi i trurit të të rinjve po bëhet një nga problemet më shqetësuese për vendet e Ballkanit Perëndimor.
Të gjashtë vendet e rajonit Shqipëria, Bosnja dhe Hercegovina, Mali i Zi, Maqedonia e Veriut, Kosova dhe Serbia renditen ndër liderët kryesorë të ikjes së trurit në botë për shkak të ritmit dhe intensitetit të fenomenit brenda kufijve të tyre.
Ata mund të humbasin rreth 25%-50% të fuqisë punëtore të tyre të aftë dhe të arsimuar në dekadat e ardhshme, sipas hulumtimit të fondit gjerman Marshall.
Të rinjtë maqedonas shprehen se ishin të zhgënjyer nga niveli i korrupsionit në vend si dhe nga mungesa e mundësive dhe perspektivave.
“Ju ende shihni institucione të korruptuara, nuk shihni ndonjë sundim të ligjit, nuk shihni ndonjë përmirësim në aspektin e ekonomisë apo arsimit, dhe kjo është gjëja kryesore,” tha Petar Barlakovski, i cili ka studiuar në Mbretërinë e Bashkuar.
Ministria e Arsimit maqedonase shpenzon miliona euro për bursa për të rinjtë, por më pas thuhet se nuk tregon interes për ta, sipas ekspertëve.
Risto Saveski, president i Forumit Arsimor Rinor, tha se ministria nuk ka dëshmi se sa studentë i mbarojnë studimet jashtë vendit dhe nëse janë kthyer në Maqedoninë e Veriut.
Vendet e Ballkanit Perëndimor po humbasin me shpejtësi popullsinë e tyre.
Në tre dekadat e fundit, për shkak të emigrimit masiv, Serbia ka humbur 9% të qytetarëve të saj, Maqedonia e Veriut humbi 10%, ndërsa 24% u larguan nga Bosnja dhe 37% u larguan nga Shqipëria
