Në fshatin Mateç të komunës së Likovës sot u përurua Qendra Rinore, e para që hapet në komunat rurale.
Në këtë ceremoni ishin të pranishëm zëvendësdrejtori i Agjencisë për Rini dhe Sport, Isak Lazami, kryetari i komunës së Likovës, Erkan Arifi si dhe funksionarë të tjerë e këshilltar komunal.
Zëvendësdrejtori i Agjencisë për Rini dhe Sport, Isak Lazami uroi hapjen e kësaj qendre rinore, duke u dëshiruar suksese të rinjëve dhe uroi që këso qendra të hapen edhe në vende tjera, ku përmendi edhe Strategjinë për të rinj e hartuar dhe e sjellur nga ana e qeverisë, që ka të bëjë pikërisht për angazhimin e të rinjëve në mënyrë aktive në jetën shoqërore në vend.
“Hapja e qendrës së parë rinore në një vendbanim rural si Likova është një moment historik për ne. Kjo qendër rinore do të ndikojë pozitivisht në jetën e të rinjve, duke u ofruar një mjedis të pasur me aktivitete dhe mundësi për zhvillim personal. Është një shembull i qartë se si investimet në rininë mund të ndryshojnë destinacionin e një komuniteti. Ju të rinj të Likovës, jeni themelues të kësaj qendre dhe keni detyrimin e rëndësishëm të shfrytëzoni këtë mundësi për të përfshirë veten në procese vendimmarrëse dhe për të ndryshuar për të mirë komunitetit tuaj”, theksoi Lazami.(INA)
