Andres Iniesta nuk është ende gati për të hequr dorë nga futbolli i luajtur.
Ish-mesfushori i Barcelonës, i cili u shpall kampion bote me Spanjën në vitin 2010 do të luajë në Emiratet e Bashkuara Arabe pasi u largua nga Japonia, 39-vjeçari nuk e ka bërë ende të ditur klubin ku do të nënshkruajë por gjatë orëve të ardshme pritet të finalizohet edhe marrëveshja për të vijuar karrierën në Lindjen e Mesme.
Iniesta u shkaput nga Vissel Kobe pak ditë më parë ndërsa interesim për të shfaqi edhe Inter Miami që kërkon të ndërtojë një “Barcelonë” në Florida ku ka transferuar Jordi Alba, Lionel Messi dhe Sergi Busquets.
Iniesta e ka fituar La Liga-n 9 herë ndërsa po me Barcelonën ka triumfuar edhe në katër finale të UEFA Champions League.
