Lidhja Evropiane për Ndryshim sot zyrtarizoi bashkëveprimin në Kuvend si grup parlamentar. Ky grup parlamentar përbëhet nga gjashtë deputetë, tre nga grupi i Izet Mexhitit, dy deputetë të Alternativës dhe një deputet i Lëvizjes Besa.
Koordinatore e grupit është caktuar Safije Shahini Sadiki, kurse zv.koordinatore Merita Koxhaxhiku.
“Formimi i grupit parlamentar do të jetë vlerë shtesë në këtë bashkëpunim. Që këtu duam qytetarëve tua japim lajmin e gazuar që bashkimi ynë po rritet dhe fuqia jonë po shtohet”, tha Afrim Gashi, kryetar i Alternativës.
Grupit nuk i bashkohet deputeti i Alternativës Hysni Ismaili, i cili kohë më parë paralajmëroi fraksionin e Alternativës dhe pezullimin e aktiviteteve të tij brendapartiake. Kreu i partisë Afrim Gashi nuk kishte sqarim për Ismailin por tha se secili që nuk është me to, tani është më BDI-në.
Krerët e opozitës sot me rastin e shpalljes së grupit parlamentar theksoi se do të insistojnë edhe më tej që atyre tu takoj pozita e një anëtari në Komisionin Shtetëror të Zgjedhjeve, ashtu siç parashikon ligji. (INA)
