LEN kërkon publikimin e marrëveshjes me Bechtel dhe Enka: Qytetarët të dinë se ku përfundojnë parat e tyre

Lidhja Evropiane për Ndryshim pyet nëse ka ngjashmëri mes rastit të Artan Grubit dhe ministrit kosovar të infrastrukturës Palë Lekaj, ku ky i fundit ditë më parë u dënua me burg, për shkak të pagesës prej 53 milion eurosh që Qeveria e Kosovës i kishte paguar konsorciumit Bektel-Enka për zgjatjen e afatit të përfundimit të punimeve te autostradës ‘Arbër Xhaferi’. Lidhja Evropiane për Ndryshim kërkon që marrëveshja të publikohet, pasi siç theksojnë, qytetarët duhet ta dinë se ku po përfundojnë paratë e xhepave të tyre.
“A mund të ketë ngjeshmëri me rastin e Palë Lekës dhe Artan Grubit. Fatkeqësisht dyshimet në opinion janë tepër të mëdha. Vetë fakti që marrëveshja për ndërtimin e korridoreve 8 dhe 10D, e cila kushton mbi 1,3 miliardë euro u shpall si marrëveshje sekrete mes qeverisë sonë dhe kompanisë Bektel&Enka, që ngjalli në opinion shumë dyshime për keqpërdorime të mundshme. Po bëhet gati një vit prej kur është nënshkruar marrëveshja me Bektel&Enkën dhe deri tani nuk është ndërtuar asnjë metër autostradë, ndërsa prej në prill të vitit të kaluar e deri më tani Qeveria i ka paguar Bektel Enkës, 235 milion euro për zero metra autostratë. Tani duhet që Qeveria të tregojë se për çfarë janë paguar ato 235 milion euro Behtel & Enkës, sa marrëveshje të fshehura ka nënshkruar Grubi dhe ku përfundojnë këto para. Pasi ende nuk është ndërtuar asgjë, mos vallë po vazhdon të pasurohet Soravia, Eurovia dhe Lotaria”, deklaroi Daut Memishi, LEN.