Ministri i Punëve të Brendshme, Oliver Spasovski shprehi ngushëllime me rastin e fatkeqësisë së helikopterit ku jetën e humbi ministri ukrainas i Punëve të Brendshme, Denis Monastirski, zëvendësi i ti dhe sekretari shtetëror.
“Në emër të MPB-së i shprehi ngushëllimet e mia më të sinqerta për popullin e Ukrainës, familjen, kolegët dhe miqtë e kolegut tim ukrainas – ministrit të Punëve të Brendshme, Denis Monsatirski i cili së bashku me kryesinë e ministrisë e humbi jetën në fatkeqësinë tragjike të helikopterit në afërsi të Kievit”, shkroi Spasovksi në Tuiter.
Së paku 16 persona e humbën jetën gjatë rrëzimit të helikopterit në qytetin Brovari në rajonin e Kievit.
“Sot në mëngjes, në Brovari u rrëzua helikopteri i Shërbimit shtetëror për gjendje të jashtëzakonshme. Si pasojë e fatkeqësisë ajrore jetën e humbën kryesia e MPB-së: ministri, zëvendësi i tij i parë dhe sekretari shtetëror. Dihet se gjithsej jetën e kanë humbur 16 persona, mes ët cilëve edhe dy fëmijë. Prej tyre, nëntë ishin në helikopter”, informoi shefi i Policisë nacionale të Ukrainës, Igor Klimenko.
Ai shtoi se 22 të lënduar ndodhen në spital, prej të cilëve 10 janë fëmijë.