Partia e majtë maqedonase “Levica” sot përmes një aktiviteti ka provokuar dhe tensionuar situatën para mbërritjes së kryeministrit të Kosovës, Albin Kurti në Çair të Shkupit.
Aktivistë të saj që siç i quajnë “Rinistët e kuq” vendosën në Çair siç thanë emrat e të gjithë partizanëve të vrarë të Brigadës së Dytë Maqedonase. Reagimi i tyre është se rruga që sot mori emrin “Adem Demaçi” deri dje ishte emërtuar si “Brigada e dytë maqedonase”, përcjell INA.
“Rruga që nderonte ata që dhanë jetën në luftë me okupatorin fashist bullgar nesër do ta dnerojë Adem Demaçin, një separatist nga Jugosllavia që luftoi për Shqipëri të Madhe dhe Kosovë të pavarur, disa herë i dënuar me burg në Jugosllavi. Mos t`ua vrasin sytë këto emra kur do të jenë në solemnitetin për riemërimin e kësaj rruge, kurse ata që miratuan këtë vendim, ta dijnë se populli maqedonas nuk harron e nuk fal. Sot fshijnë kujtimet e Rrugëve, Parqeve, Përmendoreve, nesër do t`u mvishen librave shkollor dhe historisë sonë. Populli maqedonas, mjaft ishte, zgjohu, vetëdijësohu dhe mso flej! Vdekje fashizmit, liri popullit!”, reagoi “Levica”.(INA)
