Partia Politike e themeluar nga Izet Mexhiti e që do të quhet Lëvizja Demokratike, ka caktuar për ditën e diel zhvillimin e Kuvendit Themelues ku pritet të zgjidhen organet partiake, përcjell KlanM.
“Mbajtja e Kuvendit themelues të Lëvizjes Demokratike erdhi pasi ditë më parë në afat rekord u mblodhën nënshkrimet e nevojshme për regjistrimin e partisë. Qindra bashkëmendimtarë të Izet Mexhitit ishin mbledhur ditë më parë në zyrat e noterëve për të dhënë firmën e tyre për Lëvizjen që premton ndryshimin pozitiv për shqiptarët në RMV. Nga ana tjetër Lëvizja Demokratike tanimë ka përzgjedhur edhe logon partiake përmes konkursit publike, njëlloj sikurse edhe emrin e partisë”, thuhet në njoftimin e LD-së.
