Lideri i Hezbollahut është takuar me liderët e grupeve militante palestineze Hamas dhe Xhihadit Islamik, raportoi televizioni al-Manar.
Hassan Nasrallah është takuar me nënkryetarin e Hamasit, Saleh al-Arouri dhe liderin e Xhihadit Islamik, Ziad al-Nakhala, për të vlerësuar se çfarë duhet të bëjë aleanca e tyre për të “arritur një fitore të vërtetë për rezistencën” në Gazë, raportoi kanali në pronësi të Hezbollahut.
Në një deklaratë të Hamasit është thënë se mbi 80 persona janë vrarë dhe qindra janë plagosur, gjatë 20 orëve të fundit në Gazë.
Izraeli ka thënë se ofensiva e fundit ka shënjestruar tunelet dhe selitë e Hamasit.
