“UÇK-ja për Maqedoninë nuk vlen asgjë”, kështu deklaroi ministrja e Arsimit, Vesna Janevska, deklaratë kjo që ngjalli reagime në vend. Për këtë deklaratë, u pyet edhe ministri Fatmir Limani që siç tha, Historia dhe UÇK-ja nuk shlyhen duke mos e komentuar shumë deklaratën e saj, që siç u shpreh, “Do të lë në nivelin e saj”, përcjell TV21.
“Nuk shlyhet historia, do te duhej të ishte më e matur në ketë drejtim nga se në pjesën e dytë të paraqitjes së saj e përmendi se sa nëna, në dy anët janë të djegura nga rasti i luftës në 2001 por megjithatë do të lë në nivelin e saj. UÇK-ja nuk shlyhet si histori”, tha Fatmir Limani.
I pyetur nëse do kërkojnë llogari nga ministrja, në seancë qeveritare, Limani tha se është ministre dhe ajo i raporton kryeministrit.
“Është nivel ministre dhe ajo i raporton kryeministrit, nëse do ta kishte thënë këtë deklaratë kryeministri, atëherë do të kishim kërkuar llogari dhe përgjegjësi”, tha Limani.
https://www.facebook.com/tv21hd/videos/597227282680941/?ref=embed_video
