Ish-ministrja e Kulturës në qeverisjen e Nikolla Gruevskit, Elizabeta Kançeska-Milevska, sot u lirua nga akuzat në rastin “Tenderët”.
Përveç saj si e akuzuar e parë, u liruan edhe Lidija Lazarova-Cvetkovska, Juliana Ugrinovska, përcjell INA.
Gjykatësi Osman Shabani në shpjegimin e aktgjykimit tha se Prokuroria ka dështuar të dëshmojë fajësinë e të akuzuarve përtej dyshimit të arsyeshëm.
Kançeska Milevska ishte e akuzuar në rastin “Tenderët” në lidhje me tenderin për kryerjen e punëve ndërtimore në Muzeun e Luftës së Maqedonisë për shtet dhe pavarësi, si një nga projektet e “Shkupi 2014”.
Rasti ka të bëjë për kontrata të dyshimta që kanë dëmtuar buxhetin, ndërsa ka pesë vite që është rrotulluar nëpër gjykata.(INA)
