Është publikuar Renditja Akademike e Universiteteve Botërore për vitin 2023 nga organizata “Shanghai Ranking Consultancy”. Lista këtë vit, për 20-vjetorin e saj, nuk sjell ndonjë surprizë të madhe. Në mesin e mijëra universiteteve më të mira në botë edhe këtë vit nuk ka asnjë institucion të arsimit të lartë nga Maqedonia e Veriut, transmeton Portalb.mk.
Për herë të 21-të, Universiteti i Harvardit kryeson listën ndërkombëtare. Në vendin e dytë është Universiteti Stanford dhe në vendin e tretë është Instituti i Teknologjisë në Masaçusets (MIT) – të gjithë nga SHBA. Universitetet amerikane, në fakt, mbajnë 14 nga 20 vendet e para në listën e Shangait.
Midis universiteteve në rajon, një përmirësim u vu re në Universitetin e Beogradit, i cili nga pozicioni midis 401 dhe 500, tani u gjend në një pozicion midis vendit 301 dhe 400.
Në mesin e universiteteve serbe, lista e Shangait përfshin edhe Universitetin e Novi Sadit, i cili ruajti pozicionin e tij midis vendit 901 dhe 1000.
Edhe Universiteti i Zagrebit mbajti renditjen e vitit të kaluar midis vendit 401 dhe 500.
Është befasi që Universiteti i Lubjanës doli nga 500 institucionet më të mira të teknologjisë së lartë në botë dhe tani është midis 601 dhe 700.
Katër universitete greke ishin edhe këtë vit në listë, ndërsa përveç Maqedonisë së Veriut, lista e Shangait nuk përmban asnjë universitet nga Bullgaria dhe Shqipëria.
Renditja akademike e universiteteve botërore, e njohur si Lista e Shangait, përfaqëson institucionet më të mira të arsimit të lartë në botë që nga viti 2003, bazuar në metodologjinë e vendosur dhe të dhëna të palëve të treta. Njihet si renditja më e besueshme globale e universiteteve. Edhe këtë vit janë hetuar mbi 2500 institucione, nga të cilat janë publikuar mijëra universitetet më të mira.
