Ndiqni LIVE këtu më poshtë👇🏻
Amerikanët votojnë këtë të martë, 5 nëntor, për të zgjedhur presidentin e ardhshëm.
244 milionë votues pritet të zgjedhin drejtuesin e ri të Shtëpisë së Bardhë.
Zëvendëspresidentja dhe demokratja Kamala Harris dhe ish-Presidenti Donald Trump nga kampi republikan duhet të marrin mbi 270 vota elektorale për të fituar mandatin e Presidentit.
Aktualisht sipas sondazheve, Harris ka pothuajse të sigurta 226 vota elektorale, ndërkohë që Trump ka 213 vota elektorale, por që asgjë nuk është vendosur ende.
Me blu shtetet ku fitojnë, demokratët, me të kuqe shtete ku fitojnë republikanët dhe me gri shtete e pavendosura
Janë 7 shtetet kyçe, si Arizona, Georgia, Michigan, Nevada, Karolina e Veriut, Pensilvania dhe Wisconsin, pritet të vendosin se kush do të jetë fituesi.
Në total këto 7 shtete të lëkundura kanë 93 vota elektorale, të cilat do të vendosin dhe presidentin e ardhshëm.
Në numërimin e kutive të para në New Hempshire, Harris dhe Trump kanë arritur një barazim me nga tre vota secili.
Të martën, FBI njoftoi se kërcënimet me bombë ndaj qendrave të votimit në disa shtete të SHBA-së duket se kanë origjinën nga adresa elektronike me domenë ruse.(INA)
