Në Senatin Amerikan ka nisur seanca dëgjimore e Komisionit t Senatit për Marrëdhëniet me Jashtë e quajtur “Vlerësimi i politikës së SHBA-së për Ballkanin Perëndimor”.
Kreu i Komitetit të Senatit amerikan për Marrëdhëniet me Jashtë, senatori Robert Menendez ka nënvizuar pikat që do të diskutohen në këtë takim, ku para tyre për politikën e jashtme amerikane do të sqarojnë Derek Chollet, këshilltari i lartë i Departamentit amerikan të Shtetit dhe emisari amerikan pёr Ballkanin Perёndimor, Gabriel Escobar, përcjell INA.
Kryetari i Komitetit për Marrëdhënje me Jashtë të Senatit të SHBA-ve, Sen. Bob Menendez, në fjalimin e tij hyrës në degjimin kongresional ku po dëshmojnë Derek Chollet dhe Gabriel Escobar, i dha goditje të fuqishme presidentit serb Vuçiq, duke iu referuar si ‘lider i uritur për pushtet, që thot një gjë para perëndimorëve dhe vepron ndryshe mandej, nuk respekton marrëveshjet dhe vazhdon të jetë lojal ndaj Putinit.
“Ideja e tij duket se është për një Serbi të madhe, një botë serbe, sakt siç po kërkon Putini…”, ka theksuar senatori Menendez.
Në këtë takim po merr pjesë edhe krerët e Ligës Qytetare Shqiptaro-Amerikane të kryesuar nga ish-kongresisti Joe DioGuardi dhe Shirley DioGuardi, aktivisti dhe lobisti i njohur, Faton Bislimi si dhe veprimtarët e mirënjohur të ligës: Nazim Alimi, Mamut Skenderi, Hekuran Shehu, Hafiz Shala, Zikri Meta, Rifat Memeti. Por janë të pranishëm edhe aktivistë dhe personalitete të shoqatave dhe organizmave të tjerë shqiptaro-amerikane, por edhe nga institucione amerikane.
Ndiqeni LIVE seancën dëgjimore, kliko KETU
