Përfundon takimi, Escobar dhe Lajçak 3 kushte për Kurtin

INA
INA

05/06/2023

Në Qeverinë e Kosovës ka përfunduar takimi midis kryeministrit Albin Kurti dhe dy diplomatëve të lartë të SHBA-ve dhe BE-së, Gabriel Escobar dhe Miroslav Lajçak.

Lajçak ka bërë të qartë se në takim janë shtruar tre çështje që duhet të zbatohen dhe ato janë: depërshkallëzimi i situatës, mbajtja e zgjedhjeve në veriun e Kosovës si dhe vazhdimi i dialogut midis Kosovës dhe Serbisë.

Escobar nga ana tjetër theksoi se SHBA-të mbështesin fuqishëm sovranitetin dhe integritetin territorial të Kosovës, duke theksuar se qëndrimet dhe kërkesat tashmë janë të qarta për të tejkaluar situatën në këtë pjesë të Kosovës.

“Është një unitet i madh transatlantik, mes SHBA-së, BE-së e NATO-s, që ka paraqitur kërkesat e njëjta. Shpresoj të dëgjohemi. Jemi në fillim të misionit. Një gjë dua të them, erdha këtu si përkrahës i madh i Kosovës. Dam më të mirën për Kosovën, të arrijë të gjitha aspiratat. Jemi përkrahësit më të mëdhenj të sigurisë suaj, pavarësisë, sovranitetit, e integritetit territorial tuaj. Po kërkoj vetëm të dëgjohemi”, deklaroi emisari amerikan në dialogun Kosovë-Serbi, Gabriel Escobar.

Zyrtari amerikan tha se realiteti është një çështje mes Serbisë dhe Kosovës, por ajo që duhet ta dimë është se kjo është çështje e brendshme e Kosovës.

Lajçak dhe Escobar kanë theksuar se edhe nesër do të vijojnë takimet dhe se do të dalin sërish me detaje nga qëndrimi në Kosovë.

21:00 Takimi i Kurtit me Escobar dhe Lajçak

Në ambientet e Qeverisë së Kosovës ka nisur takimi i kryeministrit Albin Kurti me dy diplomatët e lartë të ShBA-së e BE-së, Gabriel Escobarin e Miroslav Lajçak.

Sipas njoftimit të zëdhënësit të qeverisë Përparim Kryeziu, takimi pritet të zgjas për më shumë se dy orë dhe në fokus do të jetë situata në veriun e Kosovës.

Ai ka bërë të ditur se pas përfundimit të takimit do të ketë edhe deklarime për media.

Një ditë më parë, i dërguari i posaçëm i ShBA-ve për Ballkanin Perëndimor, Escobar ka thënë për BBC-në se tensionet në veri të Kosovës kanë qenë të shmangshme, dhe i ka bërë thirrje Qeverisë së Kosovës që të marrë hapa drejt uljes të tensioneve. BE në një deklaratë për media, ditë më para theksoi se qetësia duhet të rivendoset urgjentisht.

Vizita e tyre ka si qëllim të gjejë një zgjidhje për të dalë nga situata aktuale e tensionuar në veri, e cila rrezikon të dëmtojë gjithë atë që BE-ja e konsideron si sukses në dialog. Ata përveç takime me drejtues të institucioneve në Prishtinë, pritet ta vizitojnë edhe veriun e vendit.

TË FUNDIT

ME TE LEXUARA

LEXO MË SHUMË

Manastiri Banjskes zvecan

“Varrezat dhe Manastirët magazina ushtarake serbe”/ Ish-agjenti i SHIK-ut tregon detaje

arben taravari ekipi

Taravari prezantoi pjesën tjetër të kabinetit presidencial: Janë njerëz me të cilët do t’i qojmë para idealet e VLEN-it

aeroport

Anulohen fluturimet Vjenë-Shkup dhe anasjelltas, për shkak të grevës së “Austrian Airlines”

4 vjetori nato

4 vjet anëtarësim në NATO, asnjë fjalë shqip

flamuri-kosov-be

Kosova shënoi sukses, krejt çka ndodhi dje në Komitetin e Asamblesë Parlamentare të KiE-së

kuleba

Kuleba: Maqedonia e Veriut na ka ndihmuar shumë

Moti_26-780x470-1

Vjen një valë e nxehtë në Maqedoni – Temperaturat do të rriten drastikisht deri në 30 gradë

Kuvendi-Kosoves

Kuvendi i Kosovës sot mblidhet në seancë të jashtëzakonshme

kuvendi talat xhaferi

Në Kuvend mbledhja e re e fundit e kësaj përbërje parlamentare, në rend dite Deklarata për përvjetorin e NATO-s

INFO

NA NDIQ