Bashkëpunimi me SHBA-në si partner strategjik në fushat që lidhen me reformat në drejtësi, agjendën legjislative dhe luftën kundër korrupsionit ishin temat e takimit të sotëm të ministrit të Drejtësisë Krenar Lloga me ambasadoren amerikane në vend Angela Ageler.
Siç njoftoi Ministria e Drejtësisë, Lloga në takim tha se digjitalizimi në gjyqësor është proces kyç për forcimin e kapaciteteve, përgjegjësisë dhe profesionalizmit të gjyqtarëve dhe prokurorëve publikë, përcjell INA.
Sa i përket “vettingut”, Lloga theksoi se ai mund të realizohet vetëm me mbështetjen e SHBA-së dhe BE-së dhe e informoi ambasadorin për situatën në burgje dhe çështjet e montuara gjyqësore.
Gjithashtu, ministri informoi për procesin e formimit të grupit punues për ndryshimet kushtetuese dhe pritshmëritë që opozita përmes përfaqësuesve të saj të japë kontributin e saj në procesin e një rëndësie të jashtëzakonshme për integrimin evropian.
Në takim u diskutua edhe për Strategjinë e re të Reformës në Sektorin e Drejtësisë 2023-2027, e cila ka në fokus përmirësimin e kushteve dhe forcimin e kapaciteteve, të cilat do të sigurojnë kushte për zbatimin e qëndrueshëm dhe pa probleme të reformave të planifikuara. Sipas Ministrisë së Drejtësisë, Lloga dhe Ageler ranë dakord të intensifikojnë bashkëpunimin mes vendeve për të siguruar stabilitet dhe kushte për zbatimin e reformave. (INA)
