“Në teori po. Në praktikë, vetëm një i çmendur do të kishte tentuar të bënte Qeverinë pa shqiptarët, sepse në atë sekondë do të legjitimonte kauzën tjetër”.
Kështu është shprehur Krenar Lloga, ministër i Drejtësisë nga radhët e Aleancës për Shqiptarët në ClickPlus në TV21 teksa foli për rolin e shqiptarëve në Qeveri.
Sipas tij, një hap i tillë do të krijonte një hap të kundërt nga shqiptarët.
“E kundërta e qeverisë një entike, që është e kundërta e asaj (qeverisë një etnike)”, tha Lloga.
Duke folur për zgjedhjet e ardhshme parlamentare dhe pozicionimin e ASH-së në këto zgjedhje, ai tha se Aleanca për Shqiptarët po përgatitet të shkojë e vetme, pa koalicionuar me asnjë parti tjetër në vend.
“Aleanca përgatitet për të shkuar vetë në zgjedhjet e ardhshme parlamentare dhe ky është një vendim i Kryesisë Qendrore të ASH-së. Por, organi më i lartë i partisë është Kuvendi Qendror dhe në momentin kur do të kemi zgjedhje para vetes atëherë do të kemi edhe vendimin konform, disponimin dhe qëndrimin e votuesit të Aleancës”, tha Lloga.(INA)
