“Ne nuk kemi frikë nga zgjedhjet dhe ato do të mbahen në mandatin e rregullt në vitin 2024”, tha nënkryetarja e LSDM-së, Sanja Llukarevska, në një dalje në televizionin Kanal5.
Ajo tha se koalicioni i udhëhequr nga LSDM do të mbetet në rrugën e përparimit dhe do të vazhdojë të punojë drejt realizimit të ëndrrës evropiane.
“Arritja e ëndrrës evropiane nuk duhet të na trembë. Aty është funksionimi i sistemit dhe funksionimi i shtetit juridik. Kjo nuk duhet të na trembë”, tha Lukarevska.
E pyetur nëse Bullgaria mund të na bllokojë sërish në rrugën drejt BE-së përkundër faktit se në vend është ndryshuar Kushtetuta, Llukarevska u përgjigj se vendi është duke negociuar me Brukselin, jo me Bullgarinë, ku pret që forcat progresive të mbizotërojnë.
Sipas nënkryetarit të LSDM-së, në vend ekzistojnë dy koncepte – një për BE-në dhe një për kthim prapa.(INA)
