LSDM e VMRO përplasen për dorëheqjet e BDI-së

ina-online
ina-online

03/08/2023

Shumica kërkon nga opozita maqedonase t’i mbështesë ndryshimet kushtetuese për shkak se janë plotësuar kushtet të cilat sipas tyre vetë Hristijan Mickoski i ka kërkuar, përcjell Alsat.

Nga LSDM-ja thonë se me dorëheqjen e ministrave të BDI-së, VMRO-DPMNE-ja është një hap larg pjesëmarrjes në Qeverinë e cila do t’i organizonte zgjedhjet e parakohshme. Para kësaj, opozita duhet të voton për ndryshimet kushtetuese.

“Janë plotësuar të gjitha kushtet e parashtruara nga Hristijan Mickoski personalisht për ndryshimet kushtetuese. Mickoski dhe VMRO-DPMNE-ja munden menjëherë të bëhen pjesë e Qeverisë pa BDI-në dhe më pas të organizohen zgjedhjet e parakohshme. Gjithçka që duhet të bën VMRO-ja dhe Mickoski është që të kyçen në proces dhe t’i mbështesin ndryshimet kushtetuese”, deklaroi Darko Kaevski, zëdhënës i LSDM-së.

VMRO-DPMNE-ja këtë veprim të pushtetit e cilëson lojë për blerje kohe deri në zgjedhjet e rregullta. Sipas opozitës maqedonase, pushteti është i vetëdijshëm se nuk ka numra për ndryshimet kushtetuese dhe për këtë arsye po manipulon me dorëheqje dhe garanci të pabaza.

“Kjo është taktikë e BDI-së dhe LSDM-së për të blerë kohë që zgjedhjet e parakohshme të shtyhen në zgjedhje të rregullta dhe të panevojshme. Maqedonia çdo ditë e më tepër mbytet në kriza dhe këtë më së shumti qytetarët do të ndjejnë në vjeshtë dhe dimër”, tha Naum Stoillkovski, zëdhënës i VMRO-DPMNE-së.

Dorëheqjet e ministrave të BDI-së do të mbeten në arkivin e Qeverisë derisa organi ekzekutiv ndodhet në pushim kolektiv. Në arsyetimet e dorëheqjeve kabineti qeveritar i BDI-së ka kushtëzuar largimin e tyre me miratimin e ndryshimeve kushtetuese. Referuar Kushtetutës, Ligjit mbi Qeverinë dhe Rregulloren për punën e Kuvendit, dorëheqjet e kushtëzuara nuk janë të parapara në asnjë dispozitë. /Alsat.mk

ME TE LEXUARA

LEXO MË SHUMË

bdi

Kryesia qendrore ia delegon kompetencat, Ali Ahmeti do të vendos për koalicionet parazgjedhore

kovacevski

Kovaçevski i bindur se përsëri do të jetë kryeministër

Arbnor-Maliqi-LD-1130x635-1

LD: Mos nënçmohen studentët

Talat Xhaferi3

BDI do ta propozojë Talat Xhaferin për kryeministër

MUHAMERI

Zgjedhjet po afrohen, politikanët shfaqen me thesin e babadimrit

LEN lidhja evropiane per ndryshim

LEN kërkon nga pushteti përgjigje: A është i përfshirë Lupço Palevski edhe në organizimin e rastit të montuar “Monstra”?!

besa

Lulzime Ameti: Vendbanimet shqiptare pa autostrada, Qeveria prioritet kazinot

kurti vucic

Plani 6 miliardësh i BE-së, Kosova dhe Serbia përfitojnë vetëm nëse zbatojnë Marrëveshjen e Ohrit e Asociacionin

kufi-bllace

Vikendi i zgjatur, shkakton kolona kilometërshe në kufirin e “Bllacës”

INFO

NA NDIQ