LSDM paralajmëron iniciativë për ndryshime ligjore me të cilat do të vendoset një kusht i qartë që kryeministër, zëvendëskryeministra, ministra dhe deputetë të mund të jenë persona që kanë vetëm shtetësi të Maqedonisë së Veriut.
“Meqenëse Mickoski thotë se ka pasur maqedonas më të mëdhenj dhe më të vegjël dhe Bozhinovska ka qenë maqedonasja më e madhe, ne do të kërkojmë që ato ndryshime të hyjnë në fuqi menjëherë, nga përbërja aktuale. Institucionet tona duhet të udhëhiqen nga njerëz që kanë vetëm një shtet, dhe besnikëri ndaj vetëm një vendi, ndaj Republikës së Maqedonisë së Veriut. Është koha që kjo qeveri të tregojë nëse do patriotizëm të vërtetë apo do të vazhdojë të përdorë atë fals. Qëndrimi ynë është i qartë: politikanët duhet të jenë besnikë ndaj popullit, shtetit dhe të ardhmes së këtij vendi. Prandaj kërkojmë që Bozhinovska menjëherë të japë dorëheqje dhe u bëjmë thirrje të gjithë qytetarëve që ta përkrahin këtë iniciativë për të siguruar që vetëm njerëzit që qëndrojnë me ndershmëri pas shtetit do të mund ta udhëheqin shtetin, tha zëdhënësja e LSDM-së, Bogdanka Kuzeska, në konferencën e sotme për media.(INA)
