Lidhja Social Demokrate e Maqedonisë në një komunikatë lëshuar mediave kritikon qeverinë e vendit të udhëhequr nga Hristijan Mickoskit, transmeton TV21.
Nga LSDM-ja thonë se rrogat nuk mjaftojnë as për ushqimet elementare, zyrtarët e qeverisë së Hristijan Mickoskit po ushqehen me ushqime luksoze.
“Qeveria e DPMNE-së vazhdon të tregojë karakterin e saj të vërtetë – shpërdorues, lakmitar dhe krejtësisht jashtë realitetit. Përderisa mijëra familje në Maqedoni mezi ia dalin mbanë, ndërkohë që rrogat nuk mjaftojnë as për ushqimet elementare, zyrtarët e qeverisë së Hristijan Mickoskit po ushqehen me ushqime luksoze që qytetari i zakonshëm as që mund ta ëndërrojë. Tavolinat e tyre tani përfshijnë salmon, karkaleca, oktapod, gaforre, biftek… Miliona dollarë para publike shpenzohen për ushqime ekskluzive, ndërsa punëtorët luftojnë për të mbijetuar me paga të mjerueshme”, theksojnë nga LSDM-ja.
