“Qeveria e udhëhequr nga LSDM po monitoron nga afër situatën në Ukrainë. Agresioni kundër Ukrainës është kërcënim për paqen evropiane dhe botërore, por edhe për ekonominë globale. Në këtë drejtim, qeveria e udhëhequr nga LSDM-ja është duke i monitoruar ndryshimet në trendet ekonomike dhe pasojat e situatës së re”, thuhet në komunikatën e LSDM-së.
Nga kjo parti tbonë se institucionet, shteti janë të gatshëm t’u përgjigjen të gjitha sfidave të reja në fushën e ekonomisë dhe energjetikës, për të mbrojtur ekonominë vendase dhe gjendjen financiare të qytetarëve, përcjell INA.
“Si palë përgjegjëse, nëpërmjet institucioneve që drejtojmë, do të bëjmë çmos që pasojat e konfliktit në Ukrainë në ekonominë e brendshme të jenë sa më të vogla dhe sa më të dobëta. Edhe në kohë të krizave të sigurisë globale, ekonomike dhe shëndetësore, ne mbetemi të përkushtuar për mbrojtjen e standardit ekonomik të qytetarëve dhe promovimin e ekonomisë vendore”, thuhet në komunikatën e LSDM-së.