Këngëtarja e njohur Elsa Lila është bërë protagoniste e dy intervistave që ndezën kureshtjen e publikut shumë përpara se të transmetoheshin.
Njëra u zhvillua në emisionin “Mirëmbrëma yje” me Arbana Osmanin, ndërsa tjetra në podcastin e Grida Dumës.
Edhe pse të regjistruara më herët, të dyja u transmetuan në të njëjtën ditë, duke krijuar spontanisht një “përballje” në sytë e publikut: dy gra të rëndësishme të medias shqiptare me dy qasje krejt të ndryshme ndaj të njëjtit personazh.
“Gara” nuk ishte vetëm në mënyrën e trajtimit të Elësës dhe thellësinë e rrëfimit, por edhe në vëmendjen e publikut dhe numrin e klikimeve që gjeneruan – një tregues i qartë suksesi në epokën e algoritmeve.
Të dyja intervistat u komentuan gjerësisht në rrjete sociale, ku ndjekësit ndanë përshtypjet e tyre mbi stilin e secilës moderatore dhe mënyrën se si Elsa u shfaq në dy ambiente të ndryshme.
A i patë të dyja? Cila intervistë ju pëlqeu më shumë?
