Luis Enrike udhëhoqi PSZH- në në një fitore të madhe 4-2 kundër Man. Sitit në ndeshjen e tyre në fazën e Ligës së Kampionëve.
Parisienët e panë vetën në disavantazh 0-2, por bënë një rikthim spektakolar për ta fituar ndeshjen dhe për t’i marrë tre pikë të mëdha në luftën për të kaluar tutje në Ligën e Kampionëve. Duke folur pas ndeshjes, Luis Enrike tha se e kishte të vështirë të festonte kundër dikujt që e konsideron mik. Trajneri i PSZH-së është mik i ngushtë me atë të Man. Sitit, Pep Guardiolan, pasi dyshja kanë luajtur së bashku te Barcelona.
“Ishte e vështirë për mua të festoja golat sepse kisha një mik pranë meje. Siti i Pep Guardiolas është një ekip i nivelit më të lartë. Ai na ka bërë mirë presion. Lojtarët tanë të rinj kanë bërë mirë. Goli na ka dhënë energji. Rezultati pasqyron atë që kemi bërë në fushë”, ka deklaruar trajneri spanjoll.