Luizi për kryeministër të ardhshëm të Shqipërisë!

Në rrjetet sociale kanë shpërthyer postime dhe komente që Luizi përpos si kryeministër në lojën e Big Brother VIP Albania, duhet që në të ardhmen të jetë edhe kryeministër i Shqipërisë.

Këto komente kanë shpërthyer në rrjete sociale dhe forume që menaxhohen apo mbajnë profile të demokratëve apo përkrahës të Partisë Demokratike.

Banorët përmes një loje dje votuan për qeverinë e Big Brother, ndërsa rezultati final u shfaq në monitor.

Kristi u zgjodh President, Luizi u zgjodh kryeministër, Efi kryetare e Parlamentit, Elvisi ministër i drejtësisë, Qetsori ministër i brendshëm, Jori avokate e popullit, ndërsa Dea, Bledi, Keisi, Kiara dhe Nita janë populli, të cilët do adresojnë problematikat e tyre.

Përmes një zarfi të bardhë, Vëllai i Madh futi edhe Kushtetutën, në të cilën shpjegohen edhe rregullat për secilin zyrtar, për sovranitetin që i përket popullit, si dhe shpejgohen disa rregulla të rëndësishme për mbarëvajtjen e programit.

Banorëve u dhanë edhe disa tema që mund të trajtonin me njëri-tjetrin, si dhe kishin mundësinë të shtonin të tjera.

Avokati i popullit, Jori, pas çdo përfundimi të një diskutimi përkatës, do shprehë pëlqyeshmërinë ose jo të tij.