“Lukoil” pranoi ofertën e kompanisë së regjistruar në Zvicër! Kush është pronari i ri?

“Lukoil” mori ofertë për blerje të pasurive të tij ndërkombëtare, njoftoi faqja e internetit lukoil.com. Kushtet kyçe të marrëveshjes ishin paraprakisht të rëna dakord nga palët. Nga ana e tij, Lukoil pranoi ofertën, duke u angazhuar të mos negociojë me blerës të tjerë potencialë. “Gunvor Group” është e regjistruar në Zvicër dhe u themelua nga suedezi Torbjorn Tornkvist dhe oligarku rus Genadi Timçenko, afër Kremlinit. Timçenko është në listën e sanksioneve të SHBA-së, BE-së, Mbretërisë së Bashkuar, Zvicrës, Kanadasë, Japonisë dhe Australisë. Një ditë para hyrjes në fuqi të sanksioneve të SHBA-së ndaj Timçenkos në vitin 2014, ai ia shiti pjesën e tij partnerit të tij për të mbrojtur kompaninë. Kompania që nga atëherë pohon se nuk ka lidhje me Rusinë.