LVV e vendosur: Para rikthimin në dialog duhet sanksione ndaj Serbisë

Picture of INA
INA

09/10/2023

Lëvizja Vetëvendosje po kërkon sanksionimin e Serbisë para rifillimit të dialogut. Sipas partisë në pushtet, gjithçka çka është arritur në dialog, është vendosur në plan të dytë pas aktit të agresionit të Serbisë në Kosovë, më 24 shtator dhe se tani është e domosdoshme ofrimi i sigurisë për Kosovën.

Deputetja e LVV-së, njëherësh kryetare e Komisionit për punë të jashtme, Arbëreshë Kryeziu-Hyseni, thotë për KP, se Serbia duhet të sanksionohet për aktin e agresionit në Banjskë të Zveçanit.

Kryeziu-Hyseni: Para dialogut duhet siguri për Kosovën dhe sanksione për Serbinë

“Para se t’i rikthehemi dialogut, është shumë e rëndësishme të qartësohen dy gjëra, që është të sigurohemi se s’ka ndonjë rrezik potencial për sulm potencial prej radhës së Serbisë. Këtë sigurisht mund të bëjmë në bashkëpunim me institucionet përgjegjëse brenda Republikës së Kosovës. Po kërkojmë siguri për Kosovën dhe në anën tjetër po kërkojmë sanksione për Serbinë. Besojmë fuqishëm që sidomos pas këtij akti terrorist të 24 shtatorit, Serbia duhet të sanksionohet për atë çka ka bërë në Banjskë të Zveçanit. Në fakt është dashur të sanksionohet në vazhdimësi për të gjithë qasjen që e ka treguar karshi marrëveshjes për normalizim”, thotë ajo.

Deputetja e mazhorancës i mirëpret edhe paralajmërimet e raportueses për Kosovën në Parlamentin Evropian, Viola Von Cramon se ky institucion do të miratojë një rezolutë që dënon sulmin terrorist në veri dhe që po përgatitet një paketë masash ndaj Serbisë.

Kryeziu-Hyseni: Parlamentari Evropian pritet të miratojë një rezolutë që dënon sulmin terrorist në veri

“Jam mirënjohëse raportueses për Kosovën në Parlamentin Evropian, Viola Von Cramon, e cila paralajmëroi që po përgatitet një rezolutë kundër veprimeve të Serbisë të 24 shtatorit. Kjo rezolutë do të jetë një mesazh i fuqishëm që shkon drejt përfaqësueseve të politikës së jashtme të BE-së dhe drejt përfaqësuesve të 27 vendeve anëtarë. Është momenti kur defenitivisht duhet të sanksionohet shteti që bënë akti të tilla terroriste”, shton ajo.

Sipas saj, në rrethanat aktuale pas sulmit terrorist nuk mund të diskutohet për zgjedhjet në katër komunat veriore apo marrëveshjen e Brukselit apo Ohrit.

Kryeziu-Hyseni: Akti i agresionit të Serbisë në Kosovë ka lënë në plan të dytë gjithçka në dialog

“Ajo çka ka ndodhur më 24 shtator ka lënë në plan të dytë gjithçka që ka ardhur në kuadër të marrëveshjes. Tash nuk mund të flasim me prioritet për asgjë tjetër, përpos ta zgjidhim situatën se çfarë ndodhi me 24 shtator dhe për t’i sjell kryesit e këtij akti terrorist para drejtësisë, për të kërkuar gjykim të drejtë për ta në mënyrë që t’i marrin dënimet e merituara”, thekson Kryeziu-Hyseni.

Ajo është kritike edhe ndaj përfaqësuesit të lartë për politikë të jashtme të BE-së, Josep Borrell dhe ndërmjetësit të dialogut, Miroslav Lajçak.

Kryeziu-Hyseni: BE-ja s’ka pasur qasje të barabartë në dialog

“(BE-ja)S’ka pasur qasje të barabartë asnjëherë. Gjithmonë Republika e Kosovës ka qenë e shtypur sa i përket qasjes së barabartë prej anës së përfaqësuesit për politikë të jashtme dhe sidomos ndërmjetësuesit të procesit zotëri Lajçak. Kemi pa se gjithmonë ka ekzistuar një anim nga Serbia dhe nga kërkesat që i ka pasur ajo, ndërkohë janë vendosur krejt padrejtësisht masa ndaj Kosovës. Unë besoj se këto masa do të duheshin të hiqeshin tanimë”, deklaron deputetja e mazhorancës.

Në anën tjetër, ajo duke folur për samitin e Procesit të Berlinit, që pritet të mbahet më 16 tetor në Tiranë, thotë se Kosova është për bashkëpunim rajonal.

Kryeziu-Hyseni: Ballkani i Hapur ka vdekur si ide, tani orientimi kah Procesi i Berlinit

“Ballkani i Hapur ka vdekur si ide për Shqipërinë dhe tashmë ata e kanë kthyer orientimin kah Procesi i Berlinit, i cili sigurisht ka qenë rruga dhe zgjidhja e vetme për integrimin e shteteve të Ballkanit Perëndimor brenda institucioneve të BE-së. Ne kemi qenë si shtet gjithmonë të përkushtuar që t’i përmbahemi Procesit të Berlinit. Sa do të jetë relevante të ndodhin marrëveshje pas sulmit terrorist, mendoj se ne do të kemi rastin të tregojmë se kemi qenë dhe jemi gjithmonë të gatshëm për bashkëpunim rajonal sepse ne duhet të bashkëpunojmë në mënyrë që t’i afrohemi Bashkimit Evropian”, përfundon deputetja Kryeziu-Hyseni.

TË FUNDIT
12 orë
Walker: Jam këtu për të festuar me të gjithë shqiptarët e komunitetet tjera
13 orë
Rifat Jashari: Është derdhur shumë gjak për liri – dhimbje s’ka, veç krenari
16 orë
“Kosova dhe Shqipëria, bashkë në ditë të vështira e në ditë të mira”
18 orë
“Kjo ndryshoi jetën time” – ushtari i KFOR-it kujton momentin e hyrjes në Kosovë 25 vite më parë
1 ditë
Në darkë me Wallkerin, Robertsonin, Begajn dhe Mesiqin, Kurti: E kanë ndihmuar Kosovën

ME TE LEXUARA

1 ditë
Në darkë me Wallkerin, Robertsonin, Begajn dhe Mesiqin, Kurti: E kanë ndihmuar Kosovën
18 orë
“Kjo ndryshoi jetën time” – ushtari i KFOR-it kujton momentin e hyrjes në Kosovë 25 vite më parë
16 orë
“Kosova dhe Shqipëria, bashkë në ditë të vështira e në ditë të mira”
13 orë
Rifat Jashari: Është derdhur shumë gjak për liri – dhimbje s’ka, veç krenari
12 orë
Walker: Jam këtu për të festuar me të gjithë shqiptarët e komunitetet tjera

LEXO MË SHUMË

william walker uoker kurti

Walker: Jam këtu për të festuar me të gjithë shqiptarët e komunitetet tjera

rifat1

Rifat Jashari: Është derdhur shumë gjak për liri – dhimbje s’ka, veç krenari

Presidentja-Vjosa-Osmani-dhe-homogu-i-saj-nga-Shqiperia-Bajram-Begaj

“Kosova dhe Shqipëria, bashkë në ditë të vështira e në ditë të mira”

ushtari kfor

“Kjo ndryshoi jetën time” – ushtari i KFOR-it kujton momentin e hyrjes në Kosovë 25 vite më parë

GP0a63QXMAA1Wbq-e1718139986554-780x439-1

Në darkë me Wallkerin, Robertsonin, Begajn dhe Mesiqin, Kurti: E kanë ndihmuar Kosovën

Screenshot_2024-06-11-22-13-37-114_com.facebook.katana-edit

Piloti i parë shqiptar i forcave ajrore amerikane: Me krenari e mbajë uniformën

Peter Stano

Zëdhënësi i Bashkimit Evropian tregon se çfarë duhet të bëjë Kosova për heqjen e masave

Albin Kurti Shkup

Mbahet sot samiti “The Western Balkans 2024”

edi rama

Rama: Pa Rugovën nuk do të kishte UÇK, ai ishte jehona e armëve të tyre mbi Beograd

INFO

NA NDIQ