Presidenti francez, Emmanuel Macron, ka udhëzuar ministrin e Jashtëm, Jean-Noël Barrot, që të bashkëpunojë me partnerët evropianë në përgatitjen e një propozimi të negociuar për t’i dhënë fund luftimeve ndërmjet Izraelit dhe Iranit.
Të mërkurën, Macron mblodhi Këshillin e Sigurisë dhe të Mbrojtjes për të diskutuar mbi situatën e tensionuar në Iran, thuhet në një deklaratë të publikuar nga zyra e tij.
“Është e domosdoshme që urgjentisht t’i jepet fund këtyre operacioneve ushtarake, të cilat paraqesin kërcënime serioze për sigurinë rajonale,” deklaroi presidenti francez.
Ndërkohë, Ministria e Jashtme e Francës, ashtu si shumë vende të tjera, është duke ndërmjetësuar evakuimin e shtetasve francezë nga Izraeli dhe Irani, në kuadër të masave të sigurisë që po merren nga autoritetet franceze.
