Nga sot në Shkup do të mund të merrni me qira makina elektrike për të lëvizur nëpër qytet, ngjashëm siç merren me qira trotinetët elektrikë. Fillimisht do të jenë në dispozicion 100 automjete, dhe qiraja do të kushtojë 22 denarë për kilometër. Të gjitha komunat e Shkupit tashmë kanë hapësira parkimi për këto mjete.
Çdokush që dëshiron të përdorë këto shërbime, duhet të shkarkojë aplikacionin mobil avant2Go.mk.
Projekti është realizuar nga një firmë private dhe u promovua nga ministri i Mjedisit Jetësor, Izet Mexhiti.
@Më pak ndotje, më shumë liri!
Sot, në seancën e qeverisë erdha me një automjet elektrik, kështu që – simbolikisht, por edhe praktikisht, promovuam shërbimin e parë të ndarjes së makinave plotësisht elektrike Car Sharing në vendin tonë. Ky është një hap konkret drejt lëvizshmërisë së qëndrueshme urbane dhe reduktimit të ndotjes!
Sistemi i parë plotësisht elektrik për ndarjen e automjeteve në Maqedoni Zero emisione të gazrave të dëmshëm
Ulje e ndotjes dhe e zhurmës në qytete
Më pak vetura në komunikacion – më shumë hapësirë për njerëzit
Avant2Go nuk është vetëm një risi teknologjike – është një investim për të ardhmen tonë të përbashkët”, theksoi Mexhiti.
