Bayern Munich sot ka siguruar plasmanin në mesin e 16-të ekipeve më të mirë të Ligës së Kampionëve, pasi fitoi ndaj Galatasaray me rezultat 2-1 në ndeshjen e xhiros së katërt të fazës së grupeve.
Bavarezët shënuan dy herë pas minutës së 80-të, ku në të dy golat qëndron nënshkrimi i Harry Kane.
Numrat e Harry Kane janë një histori e veçantë për këtë sezon.
⭐ 𝙈𝘼𝙉 𝙊𝙁 𝙏𝙃𝙀 𝙈𝘼𝙏𝘾𝙃 ⭐#FCBvGS #MiaSanMia #FCBayern #UCL @HKane pic.twitter.com/ZfUhzx0KSr
— FC Bayern München (@FCBayern) November 8, 2023
Sulmuesi anglez, i cili mbërriti në Bayern Munich këtë verë për 95 milionë euro nga Tottenham, po shkatërron kundërshtarët si në Bundesligë ashtu edhe në Ligën e Kampionëve.
Kane ka luajtur 15 ndeshje në të gjitha garat këtë sezon dhe ka shënuar 19 gola, duke dhuruar edhe shtatë asistime.
