Mali i Zi, dy koalicionet shqiptare dorëzojnë listat për deputetë

0

Forumi Shqiptar (ASH-LDSH), Forca e Re Demokratike, Lëvizja Perspektiva dhe Unioni i Tuzit, dorëzuan në Komisionin Zgjedhor, listën e kandidatëve për deputet, të cilës i paraprinë Nik Gjeloshaj, pasuar nga Genc Nimanbegu e Nikollë Camaj.

Në mbështetje të listës koalicioni në fjalë dorëzoi 3200 nënshkrime.Kjo listë numëron 81 kandidat e kandidate dhe përfshinë komplet gjeografinë shqiptare në Malin e Zi, nga bregu i Bunës e deri në burimet e Ibrit, përfshirë këtu, Ulqinin, Tivarin, Malësinë, Plavë Gucinë dhe Rozhajën.

Ndërkohë, edhe koalicioni shqiptar “Bashkë nji za”, i përbërë nga Partia Demokratike, UDSH, LDnëMZ, dorëzoi listën zgjedhore.
Bartës i listës i koalicionit në fjalë është kryetari i Partisë Demokratike, Fatmir Gjeka, pasuar nga kryetari i UDSH-së, Mehmed Zenka dhe kryetari i LDnëMZ, Saubih Mehmeti.