Kryeministri maltez Robert Abela njoftoi të dielën se Malta do ta njohë shtetin e Palestinës muajin e ardhshëm.
Njoftimi erdhi gjatë një eventi politik ku Abela ngriti çështje lokale dhe globale, me një fokus të veçantë në krizën humanitare në Gaza, raportoi Malta Today.
“Nuk mund të mbyllim sytë ndaj kësaj tragjedie njerëzore që po përkeqësohet çdo ditë”, citoi gazeta kryeministrin maltez Abela, duke aluduar në bombardimet brutale izraelite të Gazës, të cilat kanë vrarë pothuajse 54.000 palestinezë, shumica e të cilëve ishin gra dhe fëmijë.
Abela tha se ky veprim është një përgjegjësi morale dhe se Palestina do të njihet pas konferencës më 20 qershor.
Kryeministri u trondit gjithashtu nga vdekja tragjike e nëntë fëmijëve të pediatrit palestinez Dr. Alaa Al-Najjar të shtunën, kur forcat izraelite bombarduan shtëpinë e tyre në Khan Younis, në jug të Gazës, duke plagosur rëndë bashkëshortin e saj mjek dhe duke lënë gjallë vetëm një nga fëmijët e tyre.
Malta është gati të mirëpresë Dr. Alaa Al-Najjar dhe familjen e saj në vend, tha Abela./TRTBALKAN/
