Të dhënat zyrtare të Entit Shtetëror të Statistikave tregojnë se inflacioni në korrik ishte 8,4 për qind, që është një rënie në krahasim me qershorin, kur indeksi i kostos së jetesës ishte 9,3 për qind.
Qeveria thotë se inflacioni po bie sepse masat e saj ekonomike po “japin rezultatin e dëshiruar”, por nga ana tjetër, shporta e shpenzimeve po rritet, njoftojnë nga Lidhja e Sindikatave të Maqedonisë (LSM) .
Të dhënat e LSM-së tregojnë se një familje katër anëtarëshe, këtë muaj i nevojiten 48.620 denarë për të plotësuar shportën e konsumit. Është një rritje prej 441 denarë në krahasim me llogaritjet për shportën e konsumit në qershorin e kaluar.
Nga LSM thonë për Radion Evropa e Lirë se kjo rritje e shportës së konsumit “godet realisht në xhepat e punëtorëve dhe qytetarëve”, pavarësisht se statistikat zyrtare tregojnë ulje të inflacionit. (INA)
