Qeveria e Maqedonisë në mbledhjen e djeshme pranoi propozimet e Shtabit Kordinativ të Krizës që erdhën si rekomandime nga Komisioni për Sëmundje Ngjitëse.
Sipas këtyre propozimeve, qeveria mori vendim të hiqet masa për posedim të certifikatës për COVID-19 në qendrat tregtare, ndërsa mbetet në fuqi masa e mbajtjes së maskave dhe posedimi i certifikatës për hyrje në objektet hotelerike që shërbejnë pijë dhe ushqim e që janë në qendrat tregtare.
Me rekomandim të Komisionit për Sëmundje Ngjitëse, qeveria mori vendim për heqjen e vendimit ku kërkohet lirimi nga puna për gratë shtatzëna dhe po ashtu u pranua rekomandimi që gratë shtatzëna të mund të vaksinohen.
