Një hartë interesante e shpërndarë në faqen “Dalmatian Mapper” tregon se sa vite i nevojiten secilit shtet evropian për të fituar një milion euro dhe ky numër për Maqedoninë e Veriut është 201 vjet.
Në këtë raport është marrë në konsideratë paga mesatare e çdo vendi dhe duke e përmbledhur është arritur rezultati se sa vite do të duhej të punoni për të arritur në një milion euro.
Në hartë, vendet me më pak vite të kërkuara për këtë arritje janë shënuar me blu të errët, ndërsa ato me më shumë janë të paraqitura me të kuqe të errët.
Kur bëhet fjalë për Maqedoninë e Veriut, ajo përfaqësohet me nuancë të kuqe dhe ky numër është 2o1 vjet. Në Serbi, ky numër është 152 vjet, ndërsa në Kroaci është dukshëm më i ulët – 87 vjet. Në anën tjetër, në Shqipëri duhen 208 vjet, derisa në Turqi 214.
Ndër ato vende ku miliona arrihet më shpejt janë: Zvicra – vetëm 15 vjet, pastaj Islanda me 22 vjet, Danimarka me 26 dhe Norvegjia me 27 vjet. (INA)
