Maqedonia e Veriut në mungesë të punëtorëve, ndërsa Qeveria po shqyrton mundësinë e hapjes së rrugëve për marrjen e fuqisë së huaj punëtore.
Këtë e përsëriti sot nga Gostivari, zëvendëskryeministri për çështje ekonomike, Fatmir Bytyqi duke shtuar se edhe Pollogu ashtu si e gjithë Maqedonia e Veriut ka probleme me fuqinë punëtore, përcjell INA.
Sipas tij, vendi gjithashtu ka potencial për sigurimin e fuqisë punëtore përmes rikualifikimit dhe arsimit dual, por ai shtoi se opsioni i fundit është importimi i fuqisë punëtore nga vendet tjera.
“Mendoj se fokusi duhet të jetë që të gjithë të kuptojmë se duhet të ndryshojmë, sepse vendet e reja të punës kërkojnë shkathtësi të reja. Opsioni i fundit do të jetë opsioni që të sjellim dikë, në fakt ajo është opsion kalues. Nuk është zgjidhje qëndrueshme, as për kompanitë por as për shtetin, prandaj fokusohemi në rikualifikimin e fuqisë punëtore në vend”, deklaroi zëvendëskryeministri Bytyqi. (INA)