Maqedonia e Veriut shpallë gjendje të jashtëzakonshme edhe për 14 ditë tjera

0

Në mbledhjen e sotme të Këshillit të Sigurisë është sjell vendim për vazhdimin e gjendjes së jashtëzakonshme në vend edhe për 14 ditë të tjera. Këtë e bëri publike vetë presidenti i shtetit Stevo Pendarovski, menjëherë pas mbledhjes së Këshillit të Sigurisë.

“Vendimi për gjendjen e jashtëzakonshme është marrë me qëllim që t’i mundësohet Qeveris që më lehtë dhe më mirë bashkë me institucionet shëndetësore të mund të përballen me pandeminë, dhe kjo nuk ka kurrfarë lidhje me datën për mbajtjen e zgjedhjeve”, deklaroi Stevo Pendarovski, president i shtetit.

Në seancë, krahas anëtarëve të përhershëm të Këshillit, mori pjesë edhe ministri i Shëndetësisë, Venko Filipçe.

Sot është dita e fundit kur skadon afati i tretë- dyjavor i gjendjes së jashtëzakonshme të shpallur nga presidenti Stevo Pendarovski.

Presidenti i vendit duke filluar nga 18 marsi deri tani ka sjell tre vendime për shpalljen e gjendjes së jashtëzakonshme. Dy të parat në kohëzgjatje prej nga 30 ditë, ndërsa e fundit prej 14 ditësh. (INA)