Një qytetar i Maqedonisë së Veriut që punon jashtë vendit ka bërë një denoncim për pasaportën e tij të re të lëshuar nga ambasada (konsullata) e Maqedonisë në Zvicër.
Ai ka reaguar se në pasaportën e familjares së tij që ka lindur në Gjilan të Kosovës tek grafa e vendit të lindjes në pasaportë shkruan Serbia SRB.
“Kjo nuk është në rregull. Nëna ime ka lindur në Gjilan të Kosovës, tani është shtetase e Maqedonisë. Por në pasaportë tek vendlindja shkruan Serbi pra shkurtesa SRB. Kërkojmë që të eliminohen këto veprime që nuk janë të hijshme”, theksoi për INA, një nga familjarët.
Ai kërkon sqarime MPJ rreth këtij skandali , duke kërkuar që të përmirësohet ky veprim që nuk njeh shtetësinë e Kosovës, por që shtrembëron edhe origjinën.(INA)
