Mariçiq-Fajon: BE-ja jep mundësi, e cila nuk lëshohet, Sllovenia me përkrahje për hapin e ardhshëm

ina-online
ina-online

29 Gusht, 2023

Jemi të vendosur në përkushtimin tonë që të harmonizohemi me standardet, vlerat dhe politikat e BE-së dhe t’i bëjmë hapat e ardhshme që të mbetemi në procesin dhe të avancojmë në negociatat me BE-në. Në këtë proces të ndërlikuar, me rëndësi kyçe është të dimë se shtet si Sllovenia, me përvojë të fuqishme evropiane, e kemi partner dhe aleat në plotësimin e agjendës së BE-së, tha zëvendës kryeministri për çështje evropiane, Bojan Mariçiq në takimin me zëvendës kryetaren dhe ministren e Çështjeve të Jashtme dhe Evropiane të Sllovenisë, Tanja Fajon, të mbajtur në margjinat e Forumit strategjik të Bledit.

Nga takimi, siç kumtoi SÇE, u dërgua porosi se BE-ja krijon momentum pozitiv politik, i cili është i volitshëm për përparimin e shpejtë të Maqedonisë së Veriut në rrugën evropiane.

Tanja Fajon e ka përshëndetur vullnetin politik dhe angazhimin e Qeverisë së Maqedonisë së Veriut për sukses në procesin negociues dhe ka shprehur inkurajim që Maqedonia e Veriut të vazhdojë përpara dhe se përkrahja nga Sllovenia mbetet deri në plotësimin e qëllimit strategjik, anëtarësimin e plotëfuqishëm në BE.

Në fokus të bisedave ishte tema për amandamentet kushtetuese, të cilat qëndrojnë si obligim për vazhdimin e negociatave për anëtarësim të Maqedonisë së Veriut në BE, për të cilat Mariçiqi dhe Fajon u pajtuan se amandamentet nuk janë vetëm plotësime kushtetuese, por se ato e simbolizojnë përkushtimin tonë të përshpejtimit të proceseve reformuese, evropeizimin e shoqërisë sonë, parimet demokratike, sundimin e së drejtës dhe drejtave të njeriut, thuhet në kumtesën e SÇE-së.

Mariçiq dhe Fajon, siç thuhet, biseduan edhe për miqësinë dhe bashkëpunimin shumëvjeçar të sinqertë mes dy shteteve dhe dy popujve, me të cilat në mënyrë shtesë i avancojnë marrëdhëniet e tyre, duke kontribuar në promovimin e vlerave të përbashkëta evropiane, posaçërihst solidaritetin në ballafaqimin me pasojat nga ndryshimet klimatike dhe fatkeqësitë natyrore.

Zëvendës kryeministri merr pjesë në Forumin strategjik të Bledit, në panelin e quajtur: Mirupafshim Evropë! (?) – Vasal global ose lider global: Evropa në kohën e re gjeopolitike, ku marrin pjesë edhe Tanja Fajon, Federika Mogerini, Arança Gonzales, dekani i Shkollës parisiene për marrëdhënie ndërkombëtare, Kristofer Smith, e tjerë, informojnë nga SÇE.

ME TE LEXUARA

LEXO MË SHUMË

Screenshot_2023-09-22-00-08-01-741-edit_com.facebook.katana

Ndërron jetë Musadik Pajaziti i Grupit të Kumanovës

Screenshot_2023-09-21-23-35-55-588-edit_com.facebook.katana

Ringjallet “Ilirida”

higjiena komunale shkup protest

Këshilltarët e ASH-së rrëzojnë vendimin e Maznevës, rikthejnë në punë punëtorët e NPK “Higjiena Komunale” Shkup

IMG_5173

Kasami takim me Lazim Destanin, çka u dakorduan?

policia-1-1-1392x766

Dramë në Shkup: Përleshen fizikisht dy kinezë

harta-komunat-shqiptare-maqedoni

“Struga dhe Çairi më së paku premtime të mbajtura”/14 komuna shqiptare “nën thjerrën” e IDEA-s

IMG_5172

Fronti Evropian? – Hoxha: Nuk duhet hedhur si ide, jemi të hapur të bisedojmë!

IMG_5169

Taravari: Aleanca ka besueshmëri stabile në elektorat

IMG_5171

Spitali i Kumanovës me drejtore të re

INFO

NA NDIQ